بیرینجی آنادیلی قورولتایینین قطعنامهسی 2- اسفند 1382 – تبریز مط
بیرینجی آنادیلی قورولتایینین قطعنامهسی 2- اسفند 1382 – تبریز
- بیرینجی آنادیلی قورولتایینین قطعنامهسی 2- اسفند 1382 – تبریز
بیرینجی آنادیلی قورولتایینین قطعنامهسی
2- اسفند 1382 – تبریز
بیز 21 فوریه دونیا آنادیلی گونو مناسیبتیله تبریزده قورولان "1-جی آنادیلی قورولتایی"نین ایشتیراکچیلاری و بوتون آنا دیلینی سئونلر،
-بیرلشمیش میلتلر تشکیلاتی‌نین اینسان حاقلاری عمومی بیانیه‌سینه، مدنی-سیاسی حاقلار میثاقینا، ایقتیصادی- ایجتیماعی و کولتورل حاقلار میثاقینا ایستنادا،
- بیرلشمیش میلتلر تشکیلاتی‌نین 135/47 نومره‌لی (18 دسامبر 1992 تاریخلی) میلیت، عیرق، دیل و دین اینسان حاقلاری میثاقینا اساسلاناراق،
- ایران اسلام جمهوریتی آنا یاساسی‌نین (هله قوّه‌دن فعله اوغرامامیش) 15-جی و 19-جو ماده‌لرینه دایاناراق،
- ان آزی اؤلکه‌نین اوچده ایکی اهالیسینی تشکیل ائدن تورک، کورد، عرب، لور، تورکمن، بلوچ و ..... مختلیف دیل و کولتورلرین وارلیغینی گؤز اؤنونه آلاراق،
حؤرمتلی ایران ایسلام جمهوریتی دولت مسئوللاریندان ایسته‌ییریک آشاغیداکی طلبلری یئرینه چاتدیرماق اوچون ال‌وئریشلی و لازیمی حقوقی ، مادی و معنوی ایمکانلار یاراتسینلار:
1- ایبتیدایی و اورتا مکتبلرده آنا دیللری تدریس اولونسون.
2- عوموم‌اؤلکه و یئرلی رادیو، تلویزیون و مطبوعاتدا اهالی ترکیبینه گؤره آنادیللریندن گوجلو و دوزگون حالدا ایستیفاده اولونسون.
3- موختلیف دیللر و کولتورلریمیزین قورونوب، چیچکله‌نیب، گلیشمه‌سی اوچون مدنی، کولتورل دولتی قورولوشلار یارانسین، غئیر-دولتی قورولوشلاردان ایسه دولت حیمایه‌سی اسیرگنمه‌سین.
4- بوتون ایران میلیتلرینین دیللرینه، دینلرینه، مذهبلرینه، تاریخی آدلارینا، گئییم طرزلرینه، و عادت-عنعنه‌لرینه حؤرمتله یاناشیلسین و اونلارین معنوی- تاریخی کولتورل دیَرلری باشقا وطنداشلارا اؤیره‌دیلسین.
5- میلی حاقلاری مودافیعه ائدن (عوموم اؤلکه یا ایالتی اولدوغونا باخمایاراق) سیاسی، اجتیماعی تشکیلاتلارین قورولماسی قارشیسیندا اولان بوروکراتیک مانیعه‌لر آرادان قالدیریلسین.
6- میلیتلری بیر واحید دیل و کولتور ایچینده اریدیب، آسیمیله ائتمک ایسته‌ین، کئچمیش رژیمدن قالیب و بوگون ده بعضا دولتین سیاسی قرارلاریندا دانیشماقدا اولان شوونیسم دوشونجه‌سی ایله جیدی موباریزه آپاریلسین.
یونسکو و بیرلشمیش میلتلر تشکیلاتیندان ایسته‌ییریک:
ایران ایسلام جمهوری‌سینیدن، ایران میلیتلرینین مدنی، دیل و کولتور حاقلاری‌نین اونلارا گئری قایتارماقدا ائدیب، ائده‌جگی تشبوثاتدان و آنا دیللریندن مدافیعه سیاسیتیندن حیمایه ائدرک، اونون تشویقنه چالیشسین،
21-فوریه 2004 (2- ایسفند 1382)- تبریز –آذربایجان – ایران
بیرینجی آنادیلی قورولتایی
+ نوشته شده در یکشنبه چهاردهم اردیبهشت 1399 ساعت 21:13 توسط علیرضا صرافی |
